AXOR-ის ახალი ექსკლუზიური სივრცე

 ახალი ერა ინდივიდუალურ დიზაინში — „გალერეა დემასმა“ AXOR-ის ექსკლუზიური სივრცე
საზეიმოდ გახსნა

 თბილისი, საქართველო — 19 ოქტომბერს, „გალერეა დემასმა“ ინტერიერის დიზაინისა და
არქიტექტურის სფეროს წარმომადგენლებისთვის წლის ერთ-ერთ ყველაზე მნიშვნელოვან
ღონისძიებას უმასპინძლა.
 მშრალ ხიდთან მდებარე სავაჭრო ცენტრში “გალერეა დემასი”,ოფიციალურად გაიხსნა
გერმანული ლუქს ბრენდის, AXOR-ის ექსკლუზიური სივრცე, რომელმაც დამსწრე
საზოგადოებას წყლისა და ინტერიერის მოწყობის სრულიად
ახალი სტანდარტი წარუდგინა.

  
  
  
  

 ღონისძიებას არქიტექტორები და დიზაინერები დაესწრნენ. სტუმრებმა პირველებმა
შეაფასეს ინტელექტუალური და ესთეტიკური ექსპოზიცია, სადაც ყოველი დეტალი
პერსონალიზაციასა და უმაღლესი კლასის დიზაინერულ აზროვნებაზე მიუთითებს.

 
 
 


AXOR-ის სამყარო „გალერეა დემასში“: კონცენტრირებული ესთეტიკა

 ახალი სივრცე გამოირჩევა დახვეწილი, კამერული ატმოსფეროთი. მუქი ხის
ფაქტურები, ღრმა მწვანე ტონები და წერტილოვანი განათება ქმნის გარემოს, სადაც
AXOR-ის საკულტო კოლექციები განსაკუთრებული ელეგანტურობითაა წარმოდგენილი:

 
  


სიმარტივის არსი და არქეტიპი:
 AXOR One და AXOR Starck-ის მოდელები ფორმის სიწმინდესა და წყალთან
ინტერაქციის ახალ გამოცდილებას აცოცხლებენ.

    

თანამედროვე ელეგანტურობა:
 AXOR Citterio C და AXOR Citterio E კოლექციებმა ყურადღება მიიპყრო თავისი
მოქნილი ფორმებითა და საპირისპიროთა მშვიდი ბალანსით.

 

ისტორიული შთაგონება:
 AXOR Montreux-ის ექსპოზიციაში სტუმრებმა ევროპული „გრანდ-ოტელების“
ოქროს ხანისა და თანამედროვე ტექნოლოგიების შეხვედრა იხილეს.

კულინარიული ხელოვნების ზეიმი:
  ცალკეული სტენდი ეთმობა AXOR-ის სამზარეულოს შემრევებს სლოგანით:
„Celebrate beautiful cooking“, რაც კერძების მომზადების პროცესს ესთეტიკურ
დღესასწაულად აქცევს.

 

შემოქმედებითი ჰაბი დიზაინერებისთვის: „Escape the ordinary!“
 შოურუმის მთავარი სიახლე სპეციალურად გამოყოფილი სამუშაო სივრცეა. ექსპოზიციის
ცენტრში განთავსებულია კომფორტული მაგიდა, რომელიც არქიტექტორებსა და
დიზაინერებს საშუალებას აძლევს, იქვე, ექსპონატების გარემოცვაში იმუშაონ თავიანთ
პროექტებზე.

 კედელზე დატანილი წარწერა — „AXOR. Escape the ordinary!“ — ზუსტად გამოხატავს
სივრცის კონცეფციას: გათავისუფლდე ყოველდღიურობისგან და შექმნა არაორდინალური
პროექტები „გალერეა დემასთან“ ერთად.

 

საღამოს ატმოსფერო და საზეიმო პროგრამა
 ღონისძიება დახვეწილი პროგრამით იყო დატვირთული;
სიმებიანი კვარტეტის ელეგანტურმა შესრულებამ საღამოს
განსაკუთრებული საზეიმო ელფერი შესძინა. არქიტექტორებსა და დიზაინერებს საშუალება
ჰქონდათ არაფორმალურ გარემოში გაცნობოდნენ ბრენდის ინოვაციებს. საღამოს
დასასრულს გათამაშდა სპეციალური საჩუქრები „გალერეა დემასისგან“.

 
 
 
 AXOR-ის ახალი ექსკლუზიური სივრცე კიდევ ერთი დასტურია იმისა, რომ „გალერეა დემასი“
აგრძელებს ქართული ბაზრისთვის მსოფლიო დიზაინის შედევრების მიწოდებას.
 ეს სივრცე იქცევა ახალ პლატფორმად მომხმარებლებისთვის, სადაც იდეები რეალურ,
ხელშესახებ ფორმას მიიღებენ.

  
 

“გალერეა დემასი” - კომფორტი შექმნილი თქვენი ინსპირაციისთვის!