პარკეტი თუ ლამინატი?

დღეს, პარკეტი და ლამინატი იატაკის ყველაზე პოპოულარული მოწყობის ტიპებია. ერთი შეხედვით, მათ შორის ბევრი მსგავსებაა და პირველ რიგში, - ვიზუალური მხარე. რაც ნიშნავს, რომ ხშირად თითქმის შეუძლებელია თვალის შევლებით გავარჩიოთ მაღალი ხარისხის ლამინატის იატაკი პარკეტისგან. სწორედ ამიტომ, ამ ბლოგში ლამინატისა და პარკეტის მნიშვნელოვან მახასიათებლებს და განსხვავებებს განვიხილავთ, რათა არჩევანის გაკეთება კიდევ უფრო გაგიმარტივოთ. 

 

თუმცა, რაც მთავარია, უნდა ითქვას ისიც, რომ რომელზეც არ უნდა შეაჩეროთ არჩევანი - პარკეტზე, თუ ლამინატზე, კარგი ხარისხის მასალა ორივე შემთხვევაში ერთნაირი წარმატებით გამოგადგებათ. მაშ, ასე:

 

რა არის პარკეტისა და ლამინატის მთავარი განმასხვავებელი?

 

პირველ რიგში, უნდა ითქვას, რომ პარკეტი დამზადებულია ბუნებრივი ხისგან, რაც მის ავთენტურობასა და დახვეწილობას განაპირობებს. ხოლო ლამინატის იატაკს სინთეტიკური მასალისგან დამზადებული ზედა ფენა ახასიათებს. ლამინატის ვიზუალური მხარე განსაზღვრულია მის ზედა ფენაზე ხის პრინტის მქონე დიზაინით, რომელიც გამჭვირვალე საფარით სრულდება. ამ თვისების გამო, ლამინატის თავდაპირველი იერსახის შენარჩუნება მარტივია და მასალაც ძალიან გამძლე. 

 

რა უნდა გავითვალისწინოთ პარკეტის დაგებისას? 

 

თუ პარკეტის დაგებას გადაწყვეტთ, მნიშვნელოვანია, რომ მისი პრინტი და ფერი უხდებოდეს თქვენი ინტერიერის დიზაინის. როგორც წესი, პარკეტის ფერები იყოფა სამ მიმართულებად: ღია, საშუალო და მუქი. ვინაიდან პარკეტის იატაკი დამზადებულია ბუნებრივი მასალისგან, უფრო ზუსტად - ხისგან. ამიტომაც, გასათვალისწინებელია მისი მზის შუქთან კონტაქტი. ვინაიდან, მუდმივი ძლიერი მზის შუქის პირობებში შესაძლოა გაუფერულდეს მისი ზედაპირი: ხის სახეობიდან გამომდინარე შესაძლოა ზედაპირი გახდეს უფრო ღია ან მუქი, ან თუნდაც მიიღოს მოყვითალო ელფერი. სწორედ ამიტომ, თუ სახლში სრულმეტრაჟანი ფანჯრები გაქვთ და შესაბამისად, ძლიერი მზის შუქი ეცემა იატაკს, გირჩევთ, პარკეტი დაიცვათ ფარდების ჩამოკიდებით. 

პარკეტთან ურთიერთობისას ასევე მნიშვნელოვანი დეტალებია: 

 

• სახლის შემოსასვლელთან დააგეთ ხალიჩა, რადგან შემოსული მტვერი დროთა განმავლბაში აფუჭებს პარკეტს;
• ეცადეთ სახლში საგარეო ფეხსაცმელებით არ იაროთ;
• სავარძლების, სკამებისა და მაგიდის ფეხებს ააკარით დამცავები, რომ პარკეტი არ დახაზოს;
• პარკეტზე წყლის დასხმის შემთხვევაში, მალევე მოამშრალეთ სველი ნაწილი; 
• წელიწადში ერთხელ აუცილებლად გააპრიალეთ პარკეტის ზედაპირი სპეციალური ზეთოვანი დამცავი სითხით. 

 

პარკეტის უპირატესობები

 

პარკეტის იატაკი უძლებს დროს და როგორი ინტერიერის დიზაინიც არ უნდა მოგწონდეთ, მისთვის საპატიო ადგილი ნებისმიერ სახლში გამოინახება. გარდა ამ უნიკალური თვისებისა, როდესაც პარკეტზე ვსაუბრობთ აუცილებლად უნდა გვახსოვდეს მისი სხვა ღირსებებიც: 

 

• ბუნებრივი მასალა
• ესთეტიკური კუთხით მომხიბვლელი 
• მარტივი შესანარჩუნებლად 
• გამძლე გრძელვადიან პერიოდში
• დაგების მარტივი პროცესი
• განახლების შესაძლებლობა ცვეთისას
• მრავალფეროვანი არჩევანი პრინტისა და დიზაინის მიმართულებით. 

 

რა უნდა გავითვალისწინოთ ლამინატის დაგებისას? 

 

ლამინატის იატაკი იდეალურია როგორც პატარა, ასევე დიდი სახლის პირობებში. მიუხედავად იმისა, რომ პარკეტისგან განსხვავებით ლამინატი მზის სხივების კარგი ამტანია, მნიშვნელოვანია, რომ იგი მოვარიდოთ მუდმივ მაღალ ტენიანობის ადგილებს. როგორც წესი, ლამინატის დაგება სააბაზანოებსა და სამრეცხაოებში რეკომენდებული არ არის. როგორც ხის ზედაპირთან, ასევე ლამინატის შემთხვევაშიც, მნიშვნელოვანია, რომ წყლის ზედაპირთან ურთიერთქმედებისას მალევე მოვამშრალოთ იატაკი. 

 

ლამინატის უპირატესობები

 

ლამინატის იატაკი ასთმური ადამიანების საუკეთესო მეგობარია, ვინაიდან ძალიან მარტივად იწმინდება და მისი დაგების მჭიდრო სპეციპიკიდან გამომდინარე, - არც მტვერს იტოვებს. ლამინატის მრავალფეროვანი არჩევანი და ბევრი საფასო კატეგორია თითქმის ნებისმიერი ბიუჯეტის ფარგელბში ხელმისაწვდომს ხდის ლამინატის შეძენას. რაც შეეხება, მის სხვა დადებით მხარეებს, შემდეგია: 

 

• არაალერგიული ზედაპირი 
• ხელმისაწვდომი ფასი
• ძალიან გამძლე
• იოლი მოსავლელად
• დაგების მარტივი პროცესი 
• მტვერისა და ნაკაწრების ამტანი
• არ ზიანდება და იკაწრება მარტივად
• მრავალფეროვანი არჩევანი დიზაინის მიმართულებით. 

 

როგორც ხედავთ, როგორც პარკეტს, ასევე ლამინატს თავისი ღირსებები და გასათვალისიწნებელი დეტალები ახასიათებს. თუ სახლში ცელქი ბავშვები ან შინარური ცხოველები გყავთ ლამინატი თქვენთვის ოპტიმალური ვარინატი იქნება, ვინაიდან ძალიან ამტანია ნაკაწრებისა და მძიმე ობიექტების დაცემის მიმართ. ხოლო თუ უპირატესობას ბუნებრივ მასალას ანიჭებთ და გსურთ, რომ უამრავი წლის შემდეგაც შეგეძლოთ თქვენი იატაკის განახლება ისე, რომ მისი შეცვლა არ მოგიწიოთ, მაშინ პარკეტი საუკეთესო გამოსავალი იქნება.