ლამინატის (ლამინირებული იატაკის) უპირატესობები თქვენი სახლითვის

 

როდესაც საქმე სახლის იერსახის ცვლილებას ეხება, ბევრი ჩვენგანისთვის გადაწყვეტილებების მიღება რთულია. ხშირად, რემონტისა და განახლებების უარყოფით მხარეებზე ვკონცენტრირდებით: ხარჯები, მისკომუნიკაცია ხელოსნებთან, მასალების სწორად შერჩევა… მაგრამ, როგორც კი ჩვენი ინტერიერის განახლებისას დადებით ეფექტებზეც დავფიქრდებით, აღარც პირველი ნაბიჯების გადადგმაა რთული. 

განახლებული ინტერიერი თითქოს ახალ სიცოცხლეს შთაბერავს ჩვენს ყოველდღიურობას. გვავსებს დადებითი ემოციებით, განსაკუთრებით ლამაზს ხდის ჩვენს საცხოვრებელ გარემოს და ასევე, ზრდის უძრავი ქონების ღირებულებას. 

ამიტომაც, თუ რემონტის გაკეთებაზე ფიქრობ, იცოდე, რომ იატაკის ცვლილება შესანიშნავი ადგილია პირველი ნაბიის გადასადგმელად. უფრო ზუსტად კი, მიუხედავად იმისა, ინტერიერის დიზაინის უნიკალურ იდეებს ეძებთ, თუ უბრალოდ ხელმისაწვდომ გზას სასურველი და მომხიბვლელი ცვლილებებისთვის, ლამინირებული იატაკი საუკეთესო არჩევანია. 

ამ აზრის სასიკეთოდ, ლამინატის რამდენიმე ისეთ დადებით თვისებას გაგაცნობთ, რომელიც აუცილებლად უნდა იცოდეთ: 

გამძლეობა

 

ლამინირებული იატაკი ეკოლოგიურად სუფთა და გრძელვადიანი გარანტიის მქონე პროდუქტია. ამასთან ერთად, ლამინატი თქვენს სახლს მდიდრულ იერსახეს სძენს, რაც თავის მხრივ, უძრავი ქონების ღირებულებას ზრდის. ლამინატი შესანიშნავი მასალაა ისეთი სახლებისთვის, სადაც დიდი ოჯახები ცხოვრობენ და შესაბამისად, იატაკი დღის ნებისმიერ მონაკვეთში საკმაოდ დატვირთულია. 

 

სხივიანობა 

 

ლამინირებულ იატაკს ყოველთვის ლამაზი ბზინვარება დაჰკრავს, რაც ნებისიერი სტილის ინტერიერს ამშვენებს. ხშირად, ოთახში გრანდიოზული ეფექტის შესატანად, მხოლოდ იატაკის ცვლილებაც კი საკმარისია. მნიშვნელოვნია, რომ ლამინატი, შეიძლება ითქვას, რომ არ იკაწრება, ან ძალიან რთულად იკაწრება. ამიტომაც, ცელქი ბავშვები და შინაური ცხოველები თქვენი იატაკისათვის საფრთხეს არ წარმოადგენენ. 

 

კომფორტი

 

ლამინირებული იატაკი შესანიშნავი არჩევანია მათთვის, ვისაც სურს სახლი ზემდეტი დანახარჯების გარეშე განაახლოს. ლამინატი მრავალფეროვან არჩევანს გვთავაზობს, როგორც სტილის, ასევე ფერისა და ზომის მიხედვით. ძალიან ბევრი ხელმისაწვდომი ვარიანტი კი აიოლებს სწორედ ისეთი ლამინირებული იატაკის შერჩევას, როგორიც თქვენთვის ინტერიერსა და გემოვნებას შეესაბამება. გარდა ამისა, ლამინატი ძალიან კომფორტული მასალაა წელიწადის ნებისმიერ დროს: მარტივად თბება ზამთარში და გრილდება წელიწადის ცხელ სეზონზე.  

 

სარგებელი ჯანმრთელობისთვის

 

ლამინირებული იატაკი არის ჩვენი ჯანმრთელობისათვის უსაფრთხო, ადვილად გასაწმენდი ზედაპირი, რომელიც ყოვედლღიურობაში ძალიან მოსახერხებელია. ლამინატი უძლებს მძიმე ავეჯის ზეწოლას და მდგრადია ლაქებისა და ნაკაწრების მიმართ. ლამინირებული იატაკის ყველაზე მნიშვნელოვანი სარგებელი კი არის მისი ანტიალერგიული მოქმედება, რომელიც ჩვენს ჯანმრთელობაზე დადებითად აისახება. ლამინირებული იატაკი დამზადებულია ჰიპოალერგიული საფარით, ქიმიკატების გარეშე, რომელიც ალერგენების სახლში შეღწევას ბლოკავს. რაც მთავარია, სხვა ტიპის იატაკებისაგან განსხვავებით, ლამინატის ზედაპირი არ იჭერს და იკავებს მტვერს ან ჭუჭყს. 

 

წმენდისა და მონტაჟის სიმარტივე

 

ზემოთ ჩამოთვლილ სიკეთეებთან ერთად, ლამინატი არ საჭიროებს განსაკუთრებულ მოვლას. მისი გაწმენდა შესაძლებელია როგორც მშრალი, ასევე სველი წმენდის საშუალებით. გარდა ამისა, ძალიან მარტივია ლამინირებული იატაკის მონტაჟიც და პროცესის, სიმარტივის გამო, საკმაოდ ცოტა დროსაც მოითხოვს. 

 

სად შევიძინო ლამინატი (ლამინირებული იატაკი)?

 

ლამინირებული იატაკის შეძენისას, მნიშვნელოვანია, ყურადღება მივაქციოთ მასალის ხარისხს. საქაღთველოს ბაზარზე ერთ-ერთი წამყვანი ბრენდი, რომელიც მაღალი ხარისხის მოსაპირკეთებელ მასალებს გვთავაზობს "გალერეა დემასია". მის შოურუმში გერმანული, პოლონური და ბელგიური  წარმოშობის ისეთ ცნობილ და მოთხოვნად ბრენდებს აღმოაჩენთ, როგორიცაა: 

• Kronopol
• Kronotex 
• My floor
• Quick-Step 
• Villeroy & Boch

იატაკის მრავალფეროვანი არჩევანი ერთმანეთისაგან განსხვავდება საფასო კატეგოორიითაც, რაც იატაკის შერჩევაში მნიშვნელოვნად დაგეხმარება. მათთვის, ვისაც ფიზიკურ შოპინგამდე პროდუქციის ვიზუალიზაციაა სასურველი, ლამინატისა და სხვა მოსაპირკეთებელი მასალების ხილვა შესაძლებელია კომპანიის ვებგვერდზეც.