როგორ შევარჩიოთ კაფელი?
როგორ შევარჩიოთ კაფელი?
როგორ შევარჩიოთ კაფელი?
როცა საქმე კაფელის შერჩევას ეხება, არის რამდენიმე აუცილებელი კითხვა, რომელიც უნდა დაისვას, მათ შორის, უმთავრესია: რომელი შეესაბამება ჩვენს გემოვნებასა და საჭიროებებს? ამიტომაც, უნდა გავითვალისწინოთ შემდეგი დეტალები:
- რომელ ოთახში ვაპირებთ კაფელის გაკვრას?
- კაფელი მეტლახს უნდა შეესაბამებოდეს თუ უნდა შეავსოს?
- სახლში ბავშვი ან შინაური ცხოველი ხომ არ არის, რომ გავითვალისწინოთ?
სასურველი კერამიკული ფილის ძიებისას, ამ კითხვებზე პასუხის გაცემა, დაგვეხმარება გზა უკეთ გავიკვლიოთ და გადაწყვეტილებაც უფრო თავდაჯერებულად მივიღოთ.
შემდეგი ეტაპი ინსპირაციის ძიებაა. ამისათვის, უამრავი ვებგვერდი არსებობს, მაგალითად, Pinterest-ი, ან ისეთი ცნობილი გამოცემა, როგორიცაა Architectural Digest.
გარდა ამისა, იფიქრეთ თქვენი სახლის ერთიან იერსახესა და იმ შეგრძნებებზე, რომელიც გსურთ, რომ სივრცემ დატოვოს. საქმე რომ გაგიმარტივოთ, აქ 5 ყველაზე პოპულარულ და აქტუალურ პასუხსაც გაგაცნობთ:
- კრიალა და თანამედროვე;
- რუსტიკული და ძველი;
- უბრალო და ნეიტრალური;
- სტილის განაცხადის მქონე;
- სრული მიქსი.
მომდევნო ეტაპი ფერების შერჩევაა. რა ან რამდენი ფერი გსურთ, რომ დომინირებდეს? აქ პასუხები შემდეგნაირად ნაწილდება:
- უამრავი ფერი;
- მხოლოდ დახვეწილი ფერები;
- ნაცრისფერის ტონები;
- კრემისფერის ტონები;
- თეთრი;
- შავი;
- უმეტესად, ნეიტრალური ფერები.
ამ მარტივ კითხვებზე პასუხის გაცემით, გონების თვალით უკვე ნებისმიერი ადამიანისთვის წარმოსადგენია, თუ როგორი სივრცე გსურთ, რომ თქვენს სახლში შექმნათ. მაგალითად, თუ სამზარეულოს კედლისთვის არჩევთ კაფელს და რუსტიკული სტილი და დახვეწილი ფერები მოგწონთ, მაშინ უფრო ვინტაჟურ დიზაინს გირჩევენ.
რეალურად, ყველაფერი იმაზე დგას, თუ რა არის თქვენთვის შესაფერისი და მოსაწონი. რაც მთავარია, უნდა გახსოვდეთ, რომ კაფელის დატვირთვა მხოლოდ წყალგაუმტარი და ნესტგამძლე ზედაპირის შექმნა არ არის და მას თქვენს სახლში ძალიან დიდი ვიზუალური დატვირთვა აქვს.
ბიუჯეტი
კაფელი სხვადასხვა დიზაინის, ფერისა და ფორმის მიხედვით ადვილად ხელმისაწვდომი მასალაა. თუმცა, სანამ კედლებისთვის კერამიკული ფილების არჩევას დაიწყებთ, მკაფიო წარმოდგენა უნდა გქონდეთ თქვენი ბიუჯეტის შესახებაც. ეს დაგეხმარებათ, სავარაუდო პროდუქციის ასორტიმენტი დროის დაკარგვის გარეშე შეკვეცოთ და შესაბამისი კერამიკული ფილები უფრო სწრაფად მოიძიოთ.
მონტაჟი
როგორც ზემოთაც ვახსენეთ, კედლის ფილების არჩევისას, მნიშვნელოვანია, იფიქროთ იმაზე, თუ სად აპირებთ ფილების გამოყენებას. მაგალითად, სამზარეულოს, აბაზანის, ან სხვა ტიპის სველი წერტილების კედლის ფილები წყალგაუმტარი უნდა იყოს. ასევე, ყოველთვის გახსოვდეთ კედლის ფილების მოვლა ადვილი საქმე არ არის. სამზარეულოს მომზადების დროს ბევრი ცხიმი, ჭუჭყიანი ან სხვა ლაქები იქნება. შესაბამისად, უმჯობესია აირჩიოთ ის, რაც უფრო მდგრადია ლაქების მიმართ.
სივრცის შეგრძნება
ზოგადად, კედლის ფილები სივრცის ილუზიის შექმნის გასაღებია, რაც მათი სხვადასხვა ზომითა და ფერითაა განპირობებული. მაგალითად, თუ თქვენ გაქვთ ლამაზი და კომპაქტური ოთახი, მსგავს სივრცეში საშუალო ზომის კაფელი უნდა გააკრათ და პატარა. ვინაიდან, ეს ხერხი იდეალური საშუალებაა პატარა სივრცეში სივიწროვის შეგრძნება გააქროთ და ფართობი, შეგრძნებითად გაადიდოთ.
რაც შეეხება ფერებს, შეეცადეთ გამოიყენოთ თეთრი ან სხვა ღია და ნეიტრალური ფერები, ნაცვლად ბევრის მკვეთრი ფერისა ან კომპლექსური დიზაინისა. ამგვარად, ადამიანის თვალი ყურადღებას ერთ კონკრეტულ დიზაინსა და ფერზე აღარ გაამახვილებს. გარდა ამისა, თეთრი ფერი მხედველობის შეუზღუდავ სივრცულობას უზრუნველყოფს და სინათლის არეკვლას ზრდის. საბოლოოდ, ეს ვიზუალური ეფექტები ოთახს უფრო ნათელსა და დიდს ხდის.
სად შევიძინო კაფელი?
როგორც ხედავთ, კაფელის შერჩევა საკმაოდ საპასუხისმგებლო საქმეა, რომელიც მრავალი დეტალის გათვალისწინებას მოითხოვს. მათთვის, ვინც ახალი საცხოვრებელი ბინა შეიძინა, ან უბრალოდ ძველი სახლის გარემონტება სურს, მნიშვნელოვანია სწორედ ისეთი კერამიკული ფილები იპოვოს, რომლებიც ინტერიერის დიზაინშიც კარგად განაწილდება და ფუნქციურადაც საუკეთესო გამოყენება ექნება. ასეთ დროს, საუკეთესო შედეგის მიღწევა მხოლოდ ხარისხიანი მასალების შეძენითაა შესაძლებელი. სწორედ ამიტომ, "გალერეა დემასი" ესპანური წარმოების მაღალი ხარისხისა და პრემიუმ ხაზის კაფელებს გთავაზობთ. დემასის შოურუმში შეხვდებით ისეთ ცნობილ ბრენდებს, როგორიცაა Mykonos, Halcon, Fabresa და სხვა. კოლექციის გაცნობა შესაძლებელია როგორც ფიზიკურ მაღაზიაში სტუმრობით, ასევე კომპანიის ვებგვერდის საშუალებითაც.