ჰიდროიზოლაცია და ჰიდროსაიზოლაციო მასალები

 

სახლის, ოფისის თუ სხვა ტიპის შენობის მოწყობისას, უამრავი დეტალია, რომელიც რემონტისა და მშენებლობის საკითხებში ნაკლებად გამოცდილ ადამიანებს შესაძლოა გამოეპაროთ. მიუხედავად იმისა, რომ ჩვენი უძრავი ქონების მოსაწყობად ყველაფერი საუკეთესო გვსურს, თუ ყველაზე მნიშვნელოვანი საკითხებიდან ერთი მაინც გამოგვრჩება, ჩვენი შრომა ფუჭი შეიძლება აღმოჩნდეს. სწორედ ამიტომ, ამ ბლოგში ჰიდროიზოლაციის შესახებ მოგიყვებით, რაც ნებისმიერი ტიპის ნაგებობის მოწყობისას სასიცოცხლოდ მნიშვნელოვანი ეტაპია. 

 

სახლის, ოფისის თუ სხვა ტიპის შენობის ჰიდროიზოლაცია მშენებლობისა და რემონტის გარდაუვალი და აუცილებელი ნაწილია. სახლის ინტერიერის ყველა მნიშვნელოვანი ნაწილი, ჭერიდან სარდაფამდე, კარგად ჰიდროიზოლირებული უნდა იყოს. საკითხი რომ უფრო კარგად გვესმოდეს, პირველ რიგში, ჰიდროიზოლაცია განვმარტოთ: 

 

ჰიდროიზოლაცია 

 

ჰიდროიზოლაცია მშენებლობისა და რემონტის დროს გავრცელებული და ფართოდგამოყენებული ტექნიკაა, რომელიც გვეხმარება ჩვენი სახლი გავხადოთ წყალგაუმტარი და კიდევ უფრო მდგრადი. შენობის ისეთი ზედაპირები, რომლებსაც შესაძლოა წყალთან ხშირი შეხება ჰქონდეთ, დამცავ ბარიერს საჭიროებენ. ასეთია, მაგალითად: 

 

• საძირკველი 
• ჭერი 
• იატაკი
• კედლები.

 

ჰიდროიზოლაცია ერთგვარი დამცავია, რაც ხელს უშლის სითხის არასასურველ ადგილებში მოხვედრას ისეთი გარეგანი ფაქტორების ზემოქმედების შედეგად, როგორიცაა ჰიდროსტატიკური წნევა და კაპილარულობა. 

 

ჰიდროიზოლაცია შენობის ზედაპირებთან წყლის ურთიერთქმედებით გამოწვეულ მრავალ პრობლემას გვაშორებს თავიდან, მათ შორის, წყლის ინფილტრაციამ შეიძლება გამოიწვიოს მწერებით დაბინძურება, ობი ან კიდევ უფრო ცუდ შემთხვევაში - შენობის ზედაპირების მძიმე დაზიანება. 

 

 

ჰიდროსაიზოლაციო მასალები

 

ჰიდროსაიზოლაციო მასალები მრავალფეროვან არჩევანს გვთავაზობს. მთავარია, ვიცოდეთ, რომელი იქნება ჩვენთვის ყველაზე ეფექტური და გამოსადეგი. ჰიდროსაიზოლაციო მასალებს შორის ყველაზე გავრცელებულია: 

• ბეტონის წყალგაუმტარი საფარი 

 

ბეტონის საფარი, რომელსაც ხშირად იყენებენ სარდაფებში და ეკვრის სარდაფის ბეტონსა და ქვის კედლებს. მასალა მძიმე ფუნჯის მეშვეობით ნაწილდება ზედაპირზე და რაც მთავარია, არ გამოიყენება, თუ ზედაპირი უკვე შეღებილია. 

 

• დენსიფიკატორი

 

სილიკატის ბაზაზე დამზადებული ეს პროდუქტი ქვის კედლებში იწოვება და აგურისა თუ ბეტონის კედლებთან ქიმიურ რეაქციაში შესვლით, წარმოქმნის ძალიან მდგრად წყალგაუმტარ ზედაპირს. ისევე როგორც ბეტონის წყალგაუმტარი საფარი, დენსიფიკატორიც უკვე გაღებილ ზედაპირზე არ გამოიყენება. თუმცა, დენსიფიკატორის დატანის შემდეგ, ზედაპირის შეღებვა უპრობლემოდაა შესაძლებელი. 

 

• წყალგაუმტარი საღებავი 

 

ჰიდროსაიზოლაციო საღებავი აკრილის საღებავია, რომელიც ერთი შეხედვით, ძალიან ჰგავს კედლის ჩვეულებრივ საღებავს. გასათვალისწინებელია, რომ წყალგაუმტარი საღებავი შენობის კედლებზე ძალიან სქლად უნდა წავუვსათ. მისი გამოყენება შესაძლებელია უკვე გაღებილ ზედაპირზეც და მას შემდეგ, რაც ჩვენ მიერ დატანილი წყალგაუმტარი საღებავის სქელი ფენა გაშრება, შესაძლებელია მისი გადაღებვაც. 

 

• პლასტიკური ბადეები და პანელები

 

პლასტიკური ბადეები და პანელები სადრენაჟო სისტემებთან ერთად გამოიყენება. მათი გამოყენება წყალს იატაკსა და კედლებთან ურთიერთქმედებაში ხელს არ უშლის, თუმცა პლასტიკური ბადეები და პანელები წყლის გადაადგილებას სადრენაჟო სისტემებისაკენ მიმართავს. 

 

სად შევიძინო ჰიდროსაიზოლაციო მასალები

 

ჰიდროსაიზოლაციო მასალების შერჩევისას, პირველ რიგში, ყურადღება ხარისხს უნდა დავუთმოთ. სწორედ ამიტომ, "გალერეა დემასი" იტალიური მაღალი ხარისხსი ბრენდის MAPEI-ს ჰიდროსაიზოლაციო მასალებს გთავაზობთ. არსებობის რვა დეკადის განმავლობაში, MAPEI-მ ცემენტისა და აკრილის ჰიდროსაიზოლაციო მასალების პრემიუმ ხარისხის პროდუქტები შეიმუშავა, რომლის დახმაებითაც, შესაძლებელია დაიცვათ თქვენი სააბაზანოები, აივნები, ტერასები თუ აუზები. 

 

"გალერია დემასში", ამ ეტაპზე, MAPEI-ს ჰიდროსაიზოლაციო მასალების შემდეგი პროდუქტებია ხელმისაწვდომი: 

 

• Mapelastic Aquadefense 

 

გამოსაყენებლად მზა, სწრაფად გაშრობადი ჰიდროსაიზოლაციო თხევადი მემბრანა, რომელიც იდეალურია შიდა და გარე ჰიდროიზოლაციისთვის.

 

• Mapenet

 

ტუტე რეზისტენტული ბოჭკოვანი ბადე, რომელიც წყალგაუმტარი დამცავი ფენების, მოტეხილობის საწინააღმდეგო მემბრანებისა და ცემენტის გამათანაბრებელი ფენების გასამაგრებლად გამოიყენება.

 

• Mapelastic 

 

ცემენტის ორკომპონენტიანი წყალგაუმტარი მემბრანა, რომელიც იდეალურია ბეტონის ზედაპირების ჰიდროიზოლაციისთვის. ვარგისია ნესტიან პირობებში გამოსაყენებლად. შესაბამისად, მისი მოხმარება შესაძლებელია აივნებისთვის, აუზებისა და საძირკველისთვის. 

 

• Mapegum WPS

 

სწრაფად გაშრობადი თხევადი მემბრანა სველი სივრცის (მაგ: აბაზანა) ზედაპირების შიდა ჰიდროიზოლაციისთვის კერამიკული ფილების დამონტაჟებამდე. 

 

• Mapeband Easy

 

რეზინის ფირი, რომელიც თხევადი და ცემენტის ბაზაზე დამზადებულ ელასტიურ ჰიდროიზოლაციო მასალებთან ერთად გამოიყენება. Mapeband Easy თავსებადია MAPEGUM WPS-თან და MAPELASTIC-თან, როდესაც კეთდება ვერტიკალური ან ჰორიზონტალური ჰიდროიზოლაცია, მაგალითად: სააბაზანო ოთახში, საშხაპე ადგილებსა და სამზარეულოს სველ წერტილებში.