სად უნდა გამოვიყენოთ მეტლახი?

სად უნდა გამოვიყენოთ მეტლახი? 

 

ნებისმიერი სახლის ერთ-ერთი მთავარი ღირსება იატაკია, ვინაიდან საცხოვრებელ სივრცეში შესვლისას, პირველი რაც თვალში გვხვდება სწორედ ის მასალა და ვიზუალია, რომელიც მასპინძელმა იატაკისათვის შეარჩია. იატაკისათვის განკუთვნილ მასალაზე ფიქრისას, პირველი, რაც თავში აზრად მოგვდის კერამიკული ფილები ანუ მეტლახია. იგი გამოირჩევა გამძლეობით, მრავალფეროვნებით, ელეგანტურობითა და კომფორტულობით. იქნება ეს სამზარეულო, სააბაზანო, მისაღები ოთახი თუ დერეფანი, მეტლახის დაგება ნებისმიერ შემთხვევაში შესანიშნავი არჩევანია.  

 

 

• სამზარეულო

 

 

სახლის გული, სადაც მუდამ ყველაზე მეტი ფუსფუსი და ხალხმრავლობაა, სწორედ სამზარეულოა. ამიტომაც, მისი იატაკი გამძლე და მარტივად გასაწმენდ მასალას საჭიროებს. ამიტომაც, მეტლახი ერთ-ერთი საუკეთესო ვარიანტია სამზარეულოსათვის, ვინაიდან მეტლახი უძლებს ნესტს, ზეწოლას, არის ნაკაწრებისა და ლაქების ამტანი. 

 

• სველი წერტილები

 

 

აბაზანა სწორედ ის ადგილია, სადაც სტილი და დიზაინი იდეალურად იკვეთება ფუნქციონალურობასთან. ტენიანობა პირველი გამოწვევაა, რომელიც სველ წერტილებში გვხვდება, რისი გათვალისწინებითაც, მეტლახი იდეალური მასალაა სააბაზანო ოთახში გამოსაყენებლად. იგი არის წყალგამძლე და რაც მთავარია, ძალიან მარტივად მოსავლელი, რაც სისუფთავისა და ჰიგიენური ნორმების დაცვას ძალიან ამარტივებს. დამატებით, მეტლახი დიზაინისა და სტილის ძალიან მრავალფეროვან არჩევანს გვთავაზობს, რაც შერჩევის პროცესს ნებისმიერი გემოვნების ადამიანისთვის ძალიან ამარტივებს. 

 

 

• მისაღები ოთახი

 

 

როგორც სახლის ცენტრალური ნაწილი, მისაღები ოთახი იატაკის ისეთ ტიპს მოითხოვს, რომელიც გამოირჩევა სტილით და გამძლეობითაც. მეტლახი არის მასალა, რომელიც კრიტერიუმების დასაკმაყოფილებლად ორივე ფლანგზე თანაბარი წარმატებითაა წარმოდგენილი. ამის წყალობით, მეტლახის იატაკი საუკეთესოდ წარმოაჩენს თქვენს ავეჯს და დეკორაციებს. ამასთან ერთად, უძლებს დატვირთვას და კომფორტულია წელიწადის ნებისმიერ დროს: ზამთარში მარტივად თბება, ხოლო ზაფხულში გრილდება. 

 

 

• დერეფნები

 

 

დერეფნები, ხშირად, ყურადღების მიღმა რჩება, ვინაიდან ადამიანებისათვის დერეფანი არ არის სივრცე, სადაც დროის დიდ ნაწილს ატარებს. თუმცა, რეალურად, მათი დახმარებით სახლის ერთიანი სურათი იკვრება და სტუმრად მოსულ ადამიანსაც, შთაბეჭდილება სწორედ დერეფნის გავლისა და ხილვისას ექმნება. მეტლახის მრავალფეროვნება იქნება ეს ფერის, ფორმის თუ დიზაინის მიხედვით, შესაძლებლობას გვაძლევს კედლები, კარადები, თუ უბრალოდ მოსასვენებელი სავარძლები თავისუფლად შევარჩიოთ და არ ვინერვიულოთ იმაზე, რომ მათ შესაფერის კერამიკულ ფილებს ვერ ვიშოვით. გარდა ამისა, მნიშვნელოვანია, რომ მეტლახს მინიმალური ცვეთა ახასიათებს, რაც მას კიდევ უფრო პრაქტიკულსა და ოპტიმალურს ხდის. 

 

 

• მთავარი შესასვლელი

 

 

რადგან შთაბეჭდილებებიც ვახსენეთ, წარმოუდგენელია პირველი შთაბეჭდილების ძალა არ გავიხსენოთ. სახლის შემოსასვლელი სწორედ ის ადგილია, საიდანაც სივრცესთან პირველი ინტერაქცია იწყება. მეტლახი შესასვლელი სივრცეების განუყოფელი ნაწილია, რომელიც კარგად იტანს ჭუჭყს, მარტივად იწმინდება წყლიანი ნაჭრით და არ იკავებს მტვერს. რაც მთავარია, მეტლახის ფილები ხელმისაწვდომია როგორც მქრქალი, ასევე პრიალა ზედაპირით, რაც არჩევანის გაკეთებას კიდევ უფრო აადვილებს. 

სად შევიძინო მეტლახი? 

 

როგორც ხედავთ, თუ თქვენი სახლისთვის ფუნქციურად გამოყენებად და ვიზუალურად ლამაზ მასალას ეძებთ, მეტლახის იატაკი ერთ-ერთი საუკეთესო ვარიანტია. მთავარია, იცოდეთ სად იპოვოთ ზუსტად ის, რასაც ეძებთ. მაგალითად, "გალერეა დემასი" უმაღლესი ხარისხის მეტლახის მრავალფეროვან არჩევანს გთავაზობთ. ბრენდის შოურუმში წარმოდგენილია კოლექციები, რომლებიც გამოირჩევიან სხვადასხვა ტექსტურით, მათ შორის: ბეტონის, ქვის, მარმარილოს, უბრალოდ დეკორატიული თუ სხვა. დაინტერესების შემთხვევაში, "გალერეა დემასის" მუდმივად განახლებადი კოლექცია შეგიძლიათ დაათვალიეროთ როგორც ფილიალში ვიზიტისას, ასევე ონლაინ ბრენდის ვებგვერდის საშუალებით.